ཨ་རིའི་རླུང་འཕྲིན་ཁང་གི་ཀུན་གླེང་གསར་འགྱུར་ནང་༧གོང་ས་མཆོག་གིས་བསྒྲུབ་བྱ་༥༠༠ ཙམ་ལ་དགེ་ཚུལ་སློང་གི་བསླབ་སྡོམ་འབོགས་སྩོལ་གནང་བཞིན་པ་དང་། སྲིད་སྐྱོང་གིས་༧གོང་ས་མཆོག་ལ་ལས་དོན་སྙན་ཞུ་ཕུལ་བ། ཨ་རིས་རྒྱལ་ཚོགས་སུ་གྷ་ཛའི་གནད་དོན་གྲོས་འཆར་འཕྲུ་སློག་བྱས་པ། ཐེ་ཝན་དང་རྒྱ་ནག་གི་འཐེན་འཁྱེར། ལྷོ་ཀོ་རི་ཡའི་སྨན་པའི་ངོ་རྒོལ་སོགས་ཡོད། ཀུན་གླེང་ལས་རིམ་དུ་ཚེ་རིང་སྐྱིད་ལགས་ཀྱིས་རྒྱལ་སྤྱིའི་ཆབ་སྲིད་སློབ་གཉེར་བ་དང་དཔྱད་བརྗོད་པ་བསྟན་འཛིན་དབང་ཕྱུག་ལགས་གདན་འདྲེན་ཞུས་ནས་ཨུ་རུ་སུའི་སྲིད་འཛིན་གྱི་ཁ་གཏད་ཨ་ལེ་ཀི་སི ཎ་ཝལ་ཎི་ཡི་འཐབ་རྩོད་དང་འཆི་རྐྱེན་སོགས་ཀྱི་ཐད་བགྲོ་གླེང་ཞུ་རྒྱུ་ཡིན། དེ་བཞིན་དུ་རྒྱལ་མཚན་ཆོས་གྲགས་ལགས་ཀྱིས་སྦེལ་ཇེམ་དུ་སྐྱེས་ཤིང་ཁེ་ན་ཌ་རུ་གནས་སྡོད་བྱེད་མཁན་ལྕམ་ཨི་སི་བྷལ་ལགས་ལ་བོད་ཀྱི་ལྷ་མོའི་སྒྱུ་རྩལ་ལ་ཉམས་ཞིབ་བྱས་པའི་ཐད་བགྲོ་གླེང་ཞུ་རྒྱུ་ཡིན་པས་དུས་ཐོག་གསན་གཟིགས་གནང་བར་ཞུ།།