ཨ་རིའི་རླུང་འཕྲིན་ཁང་གི་ཀུན་གླེང་གསར་འགྱུར་ནང་བོད་མིའི་སྒྲིག་འཛུགས་ཀྱི་རོགས་ཚོགས་ཚོགས་ཆེན་དབུ་འཛུགས་དང་། ཨུ་རུ་སུའི་དམག་དཔུང་གི་གནས་སྟངས། ཏུར་ཀི་དང་གྷི་རིག་གི་འབྲེལ་ལམ། ཨོ་སི་ཏྲོ་ལི་ཡའི་གདོད་མའི་མི་རིགས། སྲིད་འཛིན་གཞོན་པའི་ཨེ་ཤི་ཡའི་ཕྱོགས་སྐྱོད་སོགས་ཡོད། ཀུན་གླེང་ལས་རིམ་དུ་རྡོ་རྗེ་ཚེ་བརྟན་ལགས་ཀྱིས་རུ་སོག་དོན་གཅོད་ཁང་གི་ཆེ་བསྟོད་སྐུ་ཚབ་དོན་གཅོད་ཏེ་ལོ་རིན་པོ་ཆེ་གདན་འདྲེན་ཞུས་ནས་ཡེ་ཤུའི་བླ་ཆེན་གྱི་སོག་ཡུལ་འཚམས་འདྲི་གཟིགས་སྐོར་ཐད་བགྲོ་གླེང་ཞུ་རྒྱུ་དང་། དེ་བཞིན་དུ་རྡོ་རྗེ་ཚེ་བརྟན་ལགས་ཀྱིས་མཱ་ཤི་ཀར་པ་ངག་དབང་སྐལ་བཟང་ལགས་གདན་འདྲེན་ཞུས་ནས་བོད་དུ་ཡེ་ཤུ་ཆོས་ལུགས་དར་ཁྱབ་ཀྱི་བྱུང་རབས་དང་བོད་པ་ཡེ་ཤུ་ཆོས་དད་པ་ཚོའི་གནས་སྟངས། སྟོན་པ་ཡེ་ཤུའི་གསུང་རབ་བོད་ཡིག་ཏུ་བསྒྱུར་བའི་རྒྱུད་རིམ་སོགས་ཀྱི་ཐད་བགྲོ་གླེང་ཞུ་རྒྱུ་ཡིན་པས་དུས་ཐོག་གསན་གཟིགས་གནང་བར་ཞུ།།