ཨ་རིའི་རླུང་འཕྲིན་ཁང་གི་ཀུན་གླེང་གསར་འགྱུར་ནང་ཀོ་རི་ཡ་དང་ཉི་ཧོང་གི་འགོ་ཁྲིད་ཀྱིས་ལོ་རྒྱུས་རང་བཞིན་ལྡན་པའི་འབྲེལ་ལམ་ཕྱེ་བ་དང་། འཛམ་གླིང་དངུལ་ཁང་ཁག་གི་གནས་སྟངས། རྒྱ་ནག་གི་བཀོལ་ཆས་བཀག་སྡོམ། ཕྱི་སྲིད་དྲུང་ཆེས་ཨ་ཧྥེ་རི་ཀར་འཚམས་གཟིགས་གནང་བ་སོགས་ཡོད། དེ་རིང་གི་དྲ་སྣང་གི་བོད་དུ་༼དར་དམར་གོན་གྱིན་པའི་བཙན་བྱོལ་བ་༽ཞེས་པའི་རྩོམ་ཡིག་དང་། ཨོ་སེ་ཁཱ་གློག་བརྙན་དུས་སྟོན་དང་འབྲེལ་བའི་དཔྱད་གླེང་། ཟངས་དཀར་འཇམ་དབྱངས་ལགས་ཀྱི་རྩོམ་ཡིག་སོགས་ཡོད། ཐེངས་འདིའི་ཆབ་སྲིད་བཙོན་པ་ངོ་སྤྲོད་ཀྱི་ལེ་ཚན་ནང་རྔ་བ་ཀིརྟི་དགོན་པའི་དགེ་འདུན་པ་བློ་བཟང་ཚེ་རིང་ལགས་དང་། རྔ་བ་ནས་ཡིན་པའི་བོད་ཀྱི་བུད་མེད་ཆབ་སྲིད་བཙོན་པ་བཀྲ་ཤིས་སྐྱིད་ལགས་རྣམ་གཉིས་ངོ་སྤྲོད་བྱས་ཡོད། ཀུན་གླེང་ལས་རིམ་དུ་རྣམ་རྒྱལ་ཤསྟྲི་ལགས་ཀྱིས་སློབ་དཔོན་ཁང་དཀར་ཚུལ་ཁྲིམས་སྐལ་བཟང་ལགས་ལ་དིང་རི་ཟུར་མཚོའི་ནང་མཁས་པ་སུ་དང་ཕེབས་དང་རིག་གནས་དར་འཕེལ་སྐོར་ལ་བགྲོ་གླེང་ཞུས་ཡོད་པས་དུས་ཐོག་གསན་གཟིགས་གནང་བར་ཞུ།།