ཨ་རིའི་རླུང་འཕྲིན་ཁང་གི་ཀུན་གླེང་གསར་འགྱུར་ནང་ཨ་རིའི་ཕྱི་སྲིད་དྲུང་ཆེས་ལོ་གསར་འཚམས་འཕྲིན་སྤེལ་བ་དང་། སྲིད་འཛིན་བྷ་ཌན་གྱིས་ཡུག་ཀེ་རན་དང་པོ་ལན་ལ་འཚམས་གཟིགས་གལ་ཆེན་གནང་བ། ཡུ་རོབ་ཀྱིས་འདས་པའི་ལོ་གཅིག་རིང་ཡུག་ཀེ་རན་ལ་རོགས་སྐྱོར་ག་འདྲ་བྱུང་བ། ཐེ་ཝན་གྱིས་ཨ་རི་དང་འབྲེལ་ལམ་གཏིང་ཟབ་ཏུ་གཏོང་བཞིན་པ་སོགས་ཡོད། ཐེངས་འདིའི་ཀུན་གླེང་ལས་རིམ་ནི་འབྲས་དཀར་བཤད་པ་ནས་འགོ་ཚུགས་ཏེ། ཀུན་གླེང་དུ་སྲིད་སྐྱོང་སྤེན་པ་ཚེ་རིང་གི་ལོ་གསར་གྱི་གསུང་འཕྲིན་དང་། རྒྱ་གར་ལྷོ་ཕྱོགས་ཀྱི་རྫོང་དཀར་ཆོས་སྡེའི་དགུ་གཏོར་གཡག་བཟང་གར་འཆམ། བཞུགས་སྒར་དྷ་རམ་ས་ལར་བོད་རྒྱལ་ལོ་ ༢༡༥༠ གནམ་ལོ་གསར་བཞད་ཀྱི་གཞུང་འབྲེལ་མཛད་སྒོ་འཚོགས་པ། དབྱིན་ཇིའི་ནང་གནས་སྡོད་བྱེད་པའི་བོད་ཀྱི་བུ་མོ་གཉིས་ཀྱིས་བཏང་བའི་བོད་ཀྱི་ལོ་གསར་སྲོལ་རྒྱུན་གླུ་གཞས་ཤིག་བཅས་བཀོད་སྒྲིག་བྱས་ཡོད་པས་དུས་ཐོག་གསན་གཟིགས་གནང་བར་ཞུ།།