ཨ་རིའི་རླུང་འཕྲིན་ཁང་གི་ཀུན་གླེང་གསར་འགྱུར་ནང་ཨ་རི་དང་ཁེ་ན་ཌ། མེག་སེ་ཀོའི་འགོ་ཁྲིད་གསུམ་གྱི་མཇལ་མོལ་དང་། བོད་མི་བརྡ་འཕྲིན་ཆེད་ལས་པའི་ཚོགས་འདུ་དང་པོ། བྷར་ཛིལ་གྱི་ཆབ་སྲིད་ཟིང་ཆ། ཨ་རིས་ཡུག་ཀེ་རན་ལ་དམག་དོན་རྒྱབ་སྐྱོར། བོད་དང་རྒྱ་ནག་ཏུ་ཏོག་ནད་ཁྱབ་ཚད་སོགས་ཡོད། ཀུན་གླེང་ལས་རིམ་དུ་ཚེ་རིང་སྐྱིད་ལགས་ཀྱིས་སྨོན་ལམ་བརྡ་འཕྲིན་ཁང་གི་འགན་འཛིན་དགེ་བཤེས་བློ་བཟང་སྨོན་ལམ་ལགས་གདན་འདྲེན་ཞུས་ཏེ། བོད་མིའི་བརྡ་འཕྲིན་འཕྲུལ་ལས་ཆེད་ལས་པའི་ཚོགས་འདུའི་ཐོག་གི་བརྗོད་དོན་དང་དམིགས་ཡུལ་སོགས་ཀྱི་ཐད་ནས་བགྲོ་གླེང་ཞུ་རྒྱུ་ཡིན། དེ་བཞིན་དུ་ཚེ་རིང་སྐྱིད་ལགས་ཀྱིས་ཨ་རིའི་རླུང་འཕྲིན་ཁང་གི་བོད་སྐད་སྡེ་ཚན་གྱི་འགན་འཛིན་བཀྲས་མཐོང་བསྟན་འཛིན་རྣམ་རྒྱལ་ལགས་དང་ལྷན་ཨ་རིའི་གྲོས་ཚོགས་ཚོགས་གཙོའི་འདེམས་བསྐོ་ལ་འགོག་རྐྱེན་འཕྲད་དགོས་པའི་རྒྱབ་ལྗོངས་ཀྱི་གནད་འགག་དང་ཚོགས་གཙོའི་དབང་ཆ་ལ་སོགས་པའི་ཐད་ནས་བགྲོ་གླེང་ཞུ་རྒྱུ་ཡིན་པས་དུས་ཐོག་གསན་གཟིགས་གནང་བར་ཞུ།།