༄༅།། རྒྱ་གར་གྱི་འཕྲོད་བསྟེན་བློན་ཆེན་གྱིས་ཟླ་བ་རྗེས་མ་ནས་རྒྱ་གར་གཞུང་གིས་སླར་ཡང་ཏོག་དབྱིབས་ནད་དུག་སྔོན་འགོག་གི་སྨན་ཁབ་ཕྱིར་ཚོང་བྱ་རྒྱུ་འགོ་འཛུགས་རྒྱུ་ཡིན་ཞེས་གསལ་བསྒྲགས་སྤེལ་འདུག་ཅིང་། རྒྱ་གར་ནི་འཛམ་གླིང་གི་འགོག་ཁབ་བཟོ་མཁན་རྒྱལ་ཁབ་ཆེ་གྲས་ཤིག་ཡིན་པས་འགོག་ཁབ་དཀོན་པའི་རྒྱལ་ཁབ་ཁག་ལ་ཕན་ཐོགས་ཆེན་པོ་ཞིག་བསྒྲུབ་རྒྱུའི་རེ་ལྟོས་འཆང་གི་ཡོད་པའི་སྐོར། རྒྱལ་སྤྱིའི་གསར་ལམ་ཁག་ལ་ཐོན་པའི་གནས་ཚུལ་དེ་ཚེ་བརྟན་ཆོས་སྒྲོན་གྱིས་ཕབ་སྒྱུར་དང་སྙན་སྒྲོན་ཞུ་ཡི་རེད།།
