༄༅།། ཉེ་ཆར་སྲིད་འཛིན་བྷ་ཌན་གྱིས་ཨ་རིའི་ཚོང་འབྲེལ་སྐུ་ཚབ་ལ་བསྐོ་བཞག་གནང་བའི་ལྕམ་ཁེ་ཐེ་རཱེན་ཐེ་ལ་ཨ་རིའི་གྲོས་ཚོགས་གོང་མའི་འཐུས་མི་ཚོས་ཉན་ཞིབ་གནང་ཡོད་ཅིང་། ཉམས་ཞིབ་པ་མང་ཆེ་བས་ཚོད་དཔག་བྱས་པ་ལྟར་མ་འོངས་པའི་ཉིན་ཤས་རྗེས་སུ་ཁེ་ཐེ་རཱེན་ཐེ་གྲོས་ཚོགས་གོང་མས་དངོས་སུ་ཨ་རིའི་ཚོང་འབྲེལ་སྐུ་ཚབ་ལ་ངེས་གཏན་གནང་ཚེ། མ་འོངས་པའི་ལོ་འགའི་རིང་ཐེ་ཝན་པ་ཁེ་ཐེ་རཱེན་ཐེའམ། ཏའེ་ཆི་དུ་འབོད་པའི་ཨ་རིའི་མཐོ་རིམ་གཞུང་འབྲེལ་མི་སྣ་འདི་ ཨ་རི་དང་རྒྱ་ནག་གི་འབྲེལ་བའི་ནང་གི་མི་སྣ་གལ་གནད་ཆེ་ཤོས་ཀྱི་གྲས་སུ་འགྱུར་རྒྱུ་ཡིན་ཞིང་། དེ་རིང་གི་ང་ཚོའི་ཕ་ཌི་ཁ་སི་བསྐྱར་ཞིབ་ལེ་ཚན་ནང་དུ་ཁེ་ཐེ་རཱེན་ཐེ་ཞེས་པ་འདི་སུ་ཡིན་པ་དང་ཁོང་གི་བསམ་བློའི་ལྟ་བ་སོགས་ལ་གླེང་སློང་ཞུ་རྒྱུ་ཡིན།།