ཨ་རིའི་རླུང་འཕྲིན་ཁང་གི་ཀུན་གླེང་གསར་འགྱུར་ནང་ཨ་རིའི་སྲིད་འཛིན་འོས་བསྡུའི་ཁྲོད་ཀྱི་རྩོད་བསྡུར་ཐེངས་དང་པོ་མདང་དགོང་གནང་བའི་གནས་ཚུལ་དང་། ༧གོང་ས་མཆོག་གིས་མ་ལེ་ཤི་ཡའི་མི་མང་ལ་དྲྭ་ལམ་བཀའ་མོལ་གནང་བ། དབུས་འོས་བསྡུ་ལས་ཁང་གིས་སྲིད་སྤྱི་གཉིས་ཀྱི་འོས་བསྡུའི་ཚེས་གྲངས་དང་ཆེས་མཐོའི་ཁྲིམས་ཞིབ་ཁང་གི་བཀའ་ཁྱབ་ཐད་གསལ་བསྒྲགས་སྤེལ་བ། འཛམ་གླིང་ཡོངས་སུ་མི་ས་ཡ་གཅིག་ཏོག་དབྱིབས་ནད་དུག་ཕོག་ནས་ཚེ་ལས་འདས་པ། ཨ་ཧྥི་གྷ་སི་ཐན་གྱི་ཞི་བདེའི་གྲོས་མོལ་སོགས་ཀྱི་གནས་ཚུལ་ཡོད། དེ་རིང་གི་ཀུན་གླེང་དུ་རྒྱ་ནག་གཞུང་གིས་བོད་ཀྱི་ཞིང་པ་དང་འབྲོག་པ་ཚོར་ཞིང་ལས་དང་འབྲོག་ལས་རྣམས་མཚམས་འཇོག་བྱེད་དུ་བཅུག་སྟེ་ལས་གྲྭ་ཆེ་ཁག་ཏུ་བསྡུ་རུབ་བྱེད་བཞིན་པ་དང་། ལོ་༣༣་གོང་དུ་བོད་ཀྱི་རྒྱལ་ས་ལྷ་སར་བྱུང་བའི་ཞི་བའི་ངོ་རྒོལ་ལས་འགུལ་དེས་གཞོན་སྐྱེས་ཚོར་བག་ཆགས་གང་འདྲ་ཞིག་ཐེབས་ཡོད་པ་དང་ཤུགས་རྐྱེན་སོགས་ཀྱི་ཐད་བགྲོ་གླེང་ཞུས་ཡོད།།