༄༅།། འཛམ་གླིང་ཡོངས་ལ་ཏོག་དབྱིབས་ནད་དུག་ཁྱབ་པའི་སྟབས་ཀྱིས་འགྲོ་བ་མིའི་རྒྱུན་ལྡན་གྱི་གནས་སྟངས་དང་ལམ་ལུགས་སོགས་ཕྱོགས་མང་པོ་ཞིག་ལ་གནམ་ས་ལྟ་བུའི་ཁྱད་པར་དང་འགྱུར་ལྡོག་ཅིག་ཐེབས་ཡོད་ཅིང་། འགྱུར་ལྡོག་དེ་དག་གི་གྲས་ཀྱི་ཉེན་ཁ་ཆེ་བ་ཞིག་ནི་དེང་སྐབས་འཛམ་གླིང་གི་སྲིད་གཞུང་མང་པོ་ཞིག་རིམས་ནད་དེའི་འཇིགས་སྣང་དང་སྔོན་འགོག་གི་ལས་དོན་སོགས་མགོ་བོ་འཁོར་ཡོད་པས་རྒྱལ་ཁབ་ཁག་ཅིག་གི་ནང་དུ་འགོ་ཁྲིད་ཚོས་རང་གི་དབང་ཚད་ཇེ་ཆེར་གཏོང་བའི་གོ་སྐབས་དམ་འཛིན་བྱེད་ཀྱི་ཡོད་པ་