རྒྱ་ནག་དབུས་ཉེན་རྟོག་ལས་ཁུངས་ཀྱི་འགོ་ཁྲིད་གཞོན་པ་ཟུར་པ་དང་རྒྱལ་སྤྱིའི་ཉེན་རྟོག་སྒྲིག་འཛུགས་ཀྱི་འགོ་ཁྲིད་ཟུར་པ་མེན་ཧོང་ཝེ་ལ་ལྐོག་ཟ་རུལ་སུངས་ཀྱི་ནག་ཉེས་བཙུགས་ནས་ལོ་༡༣་དང་ཕྱེད་ཀའི་རིང་བཙོན་འཇུག་བྱ་དགོས་པའི་ཁྲིམས་ཐག་དང་། ཁོ་པས་རྒྱ་སྒོར་ས་ཡ་གཉིས་ཀྱི་གུན་གསབ་སྤྲོད་དགོས་པའི་ཉེས་ཆད་བཅད་འདུག དེ་རིང་སྤྱི་ཟླ་དང་པོའི་ཚེས་༢༡་ཉིན་རྒྱ་ནག་གི་ཐེན་ཅིན་གྲོང་ཁྱེར་འབྲིང་རིམ་མི་དམངས་ཁྲིམས་ཁང་དང་པོས་མེན་ཧོང་ཝེ་ལ་ཁྲིམས་གཅོད་བྱས་པའི་བཅད་ཁྲ་ཕྱིར་བསྒྲགས་བྱས་འདུག