དེང་སྐབས་ལ་དྭགས་བྱང་ཐང་ཁུལ་གྱི་བོད་ཕྲུག་ཚོའི་དགུན་ཁའི་གུང་སེང་དང་བསྟུན་ནས་བོད་ཡིག་དང་དབྱིན་ཇི། དེ་བཞིན་རྩིས་རིག་སོགས་ཀྱི་ཟབ་ཁྲིད་ལས་འཆར་ཞིག་གཉེར་བཞིན་ཡོད་ཅིང་། ལས་འཆར་དེ་རྒན་ཀརྨ་མཁས་གྲུབ་ལགས་ཀྱིས་ལོ་བཅུའི་གོང་དུ་འགོ་འཛུགས་གནང་ཡོད་པ་དང་། ད་ལོའི་ཟབ་ཁྲིད་དེ་བོད་པའི་འབྲོག་ས་ཁུལ་མ་འདྲ་བ་བཞི་ལ་གཉེར་བཞིན་ཡོད་པར་མ་ཟད། དགེ་རྒན་༡༧་དང་ལས་བྱེད་པ་༦་གིས་འབྲོག་པའི་ཕྲུ་གུ་༢༠༠་ཙམ་ལ་ཟབ་ཁྲིད་གནང་བཞིན་ཡོད་ཅེས་ལས་འཆར་གྱི་འགན་འཛིན་གྱིས་གསུངས་སོང་།