འཛམ་གླིང་ས་ཕྱོགས་གང་སའི་རྒྱལ་སྤྱིའི་གསར་འགོད་པ་མང་པོ་ཞིག་གིས་གྲུབ་པའི་ཉམས་ཞིབ་ཚོགས་པ་ཞིག་གིས་ཞིན་ཅང་གི་བཀག་ཉར་ཁང་དང་འབྲེལ་བ་ཡོད་པའི་རྒྱ་ནག་གཞུང་གི་གསང་བའི་ཡིག་ཆ་གསར་པ་མང་པོ་ཞིག་ལག་སོན་བྱུང་ཡོད་ཅེས་དྲྭ་ལམ་དུ་གསར་འགྱུར་སྤེལ་འདུག བདུན་ཕྲག་སྔོན་མར་ཨ་རིའི་ནེའུ་ཡོཀ་དུས་བབ་ཚགས་པར་ལ་རྒྱ་ནག་གི་འབྲེལ་ཡོད་གཞུང་འབྲེལ་མི་སྣ་ཞིག་བརྒྱུད་ནས་ཡིག་ཆ་ཤོག་གྲངས་༤༠༣་ལག་སོན་བྱུང་སོང་ཞེས་ཞིན་ཅང་གི་གནད་དོན་སྐོར་གྱི་གསང་བའི་ཡིག་ཆ་ཞིག་ཕྱི་ལ་བཀྲམ།