བཞུགས་སྒར་རྡ་རམ་ས་ལར་རྟེན་གཞི་བྱས་པའི་དེང་རབས་བོད་ཀྱི་སྒྲ་སྙན་བཟོ་ཚོང་ཁང་ཞེས་པ་ནི་བཙན་བྱོལ་སྤྱི་ཚོགས་སུ་བོད་ཀྱི་སྲོལ་རྒྱུན་སྒྲ་སྙན་དང་པི་ཝང་མང་ཤོས་བཟོ་མཁན་གྱི་གྲས་ཤིག་ཡིན་ཞིང་། བཟོ་ལས་ཁང་དེས་བོད་གཙོས་འཛམ་གླིང་ཡུལ་གྲུ་གང་སར་སྒྲ་སྙན་ཕྱིར་ཚོང་བྱེད་བཞིན་ཡོད་པ་རེད། གཟའ་འཁོར་འདིའི་ལས་རིམ་ལ་བཟོ་ལས་ཁང་དེ་འཛུགས་མཁན་པ་སངས་སྟོབས་རྒྱལ་ལགས་སུ་བཟོ་ལས་ཁང་དེའི་འཕེལ་རིམ་དང་སྒྲ་སྙན་བཟོ་སྟངས་ཀྱི་ལག་སྩལ་སོགས་ལ་གླེང་མོལ་ཞུས་ཡོད།