བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༧གོང་ས་ཏཱ་ལའི་བླ་མ་མཆོག་གིས་འདི་ཟླའི་ཕྱི་ཚེས་༧་ཉིན་རྒྱ་གར་གྱི་ཁེ་ལས་པ་གཙོས་ཚོང་ལས་ཀྱི་འགོ་ཁྲིད་ཁག་ཅིག་ལ་འཛམ་གླིང་འདིར་ཞི་བདེ་བསྐྲུན་ཐབས་དང་། འགྲོ་བ་མིའི་ལྷན་སྐྱེས་ཀྱི་རང་གཤིས་དེ་ཉིད་བྱམས་བརྩེ་ཅན་ཞིག་ཡིན་པ་དར་སྤེལ་གཏོང་རྒྱུ། རྒྱལ་ཁབ་དང་ཆོས་ལུགས། མི་རིགས་མི་གཅིག་པའི་ཁྱད་པར་སོགས་དེ་ཙམ་གལ་ཆེར་མ་བརྩིས་པར་ཐམས་ཅད་འགྲོ་བ་མི་གཅིག་མཚུངས་ཡིན་པའི་འདུ་ཤེས་བསྐྱེད་རྒྱུ་གནད་འགག་ཆེན་པོ་ཡིན།