༄༅།། ཨ་རིའི་ཆབ་སྲིད་ཚོགས་པ་ཆེ་ཁག་གཉིས་ཀྱི་ཡ་གྱལ་དམངས་གཙོ་ཚོགས་པའི་ཁོངས་ཀྱི་ཡར་ཐོན་ལྟ་བ་འཛིན་མཁན་ཚོའི་གནོན་ཤུགས་འོག་ཏུ་ཕྱི་ལོ་༢༠༢༠་ལོའི་ཨ་རིའི་སྲིད་འཛིན་འོས་འདེམས་ལ་འགྲན་ཞུགས་བྱེད་མཁན་དམངས་གཙོ་ཚོགས་པའི་སྲིད་འཛིན་འོས་མིའི་གྲས་ཀྱི་སྔོན་སྐྱོད་པ་སྟེ། ཨ་རིའི་སྲིད་འཛིན་གཞོན་བ་ཟུར་པ་ཇཱོ་བྷ་ཡེ་ཌན་གྱིས་མངལ་སྦྲུམ་གཏོར་ལེན་གྱི་སྲིད་ཇུས་ལ་འབྲེལ་བ་ཡོད་པ་དང་འཛམ་གླིང་གི་སའི་གོ་ལའི་གནམ་གཤིས་འགྱུར་ལྡོག་གི་སྲིད་ཇུས་གཉིས་ལ་འབྲེལ་བ་ཡོད་པའི་ལངས་ཕྱོགས་དེ་ཉིད་གཡོན་ཕྱོགས་སུ་ཅུང་ཙམ་ཁོ་ལོ་སྒྱུར་འགོ་ཚུགས་ཡོད་པའི་སྐོར། གསར་གནས་ཁག་གཞིར་བཟུང་གིས་རྡོ་རྗེ་ཐོགས་མེད་ཀྱིས་གནས་ཚུལ་ཕྱོགས་བསྒྲིགས་དང་སྙན་སྒྲོན་ཞུ་ཡི་རེད།།
