༄༅།། ཉེ་ཆར་རྒྱ་གར་གྱི་རྒྱལ་ས་ལྡི་ལི་གསར་པར་བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༧གོང་ས་ཏཱ་ལའི་བླ་མ་མཆོག་གི་ཐུགས་དགོངས་ལྟར་སྙིང་རྗེའི་རང་བཞིན་ལྡན་པ་ཆོས་ལུགས་དང་མ་འབྲེལ་བའི་སློབ་ཚན་ཞིག་དབུ་འབྱེད་གནང་ཡོད་ཅིང་། དེང་སྐབས་རྒྱལ་སྤྱིའི་ཐོག་ཏུ་སློབ་ཚན་དེ་ཁྱབ་སྤེལ་གཏོང་གི་ཡོད་པ་ལྟར་ལྷོ་ཨ་མི་རི་ཀའི་སློབ་གྲྭ་ཁག་ལའང་སློབ་ཚན་དེ་འགོ་འཛུགས་ཐུབ་རྒྱུའི་ཆེད་དུ་དགེ་རྒན་ཁག་ལ་ཟབ་སྦྱོང་སྤྲོད་ཀྱི་ཡོད་པའི་སྐོར། ལྷོ་ཨ་མི་རི་ཀའི་སྐུ་ཚབ་དོན་གཅོད་ཚེ་དབང་ཕུན་ཚོགས་ལགས་སུ་ ཚེ་བརྟན་ཆོས་སྒྲོན་ལགས་ཀྱིས་བཅར་འདྲི་ཞུས་པ་དེ་གསན་རོགས་གནང་།
