༄༅།། ཉེ་དུས་ཕྱི་ཟླ་༣་པའི་ཚེས་༡༠་ཉིན་བོད་ཀྱི་ཕྱི་ཕྱོགས་སུ་གནས་འཁོད་བོད་པ་ཚོས་བོད་མི་དམངས་ཀྱི་རང་དབང་སྒེར་ལངས་གསུམ་བཅུའི་དུས་དྲན་ཐེངས་༦༠་པ་སྲུང་བརྩི་ཞུས་ཤིང་། ད་ལོའི་གསུམ་བཅུའི་དུས་དྲན་སྐབས་སུ་ཐེ་ཝན་དུ་གནས་སྡོད་བོད་པ་བརྒྱ་ཕྲག་འགའ་ཞིག་གིས་གོམ་བགྲོད་ལས་འགུལ་སྤེལ་ནས་རྒྱ་ནག་གཞུང་ལ་ངོ་རྒོལ་དང་རྔམ་སྟོན་ཁྲོམ་སྐོར་གྱི་ལམ་ནས་དུས་དྲན་སྲུང་བརྩི་ཞུས་འདུག ཐེ་ཝན་གྱི་དམངས་གཙོ་ཡར་ཐོན་ཚོགས་པའི་དྲུང་ཆེས་༧གོང་ས་ཏཱ་ལའི་བླ་མ་མཆོག་བསྐྱར་དུ་ཐེ་ཝན་ལ་གདན་འདྲེན་ཞུ་དགོས་པའི་འབོད་སྐུལ་ཞུས་ཡོད་པ་བཅས་ཀྱི་སྐོར། རྒྱལ་སྤྱིའི་གསར་འགྱུར་བརྒྱུད་ལམ་ཁག་ལ་ཐོན་པའི་གནས་ཚུལ་རྣམས་ཀུན་བཟང་སྒྲོལ་མས་ཕྱོགས་བསྒྲིགས་དང་སྙན་སྒྲོན་ཞུ་ཡི་རེད།།
