སྤྱི་ལོ་༡༩༨༤་ལོར་རྒྱ་ནག་དང་དབྱིན་ཇིའི་སྲིད་གཞུང་གིས་ཆིངས་ཡིག་བཞག་སྟེ་རྒྱལ་ཁབ་གཅིག་ལ་ལམ་ལུགས་གཉིས་ཀྲི་སྲིད་ཇུས་འོག་ཏུ་དབྱིན་ཇིའི་གཞུང་གིས་ཧོང་ཀོང་བདག་དབང་རྒྱ་ནག་ལ་རྩིས་སྤྲོད་བྱ་རྒྱུའི་མཉམ་འབྲེལ་སྤྱི་བསྒྲགས་ཤིག་སྤེལ་ཡོད་ཅིང་། སྤྱི་ལོ་༡༩༩༧་ལོར་ཧོང་ཀོང་དབྱིན་ཇིའི་དབང་སྒྱུར་འོག་ནས་རྒྱ་ནག་ལ་དངོས་སུ་རྩིས་སྤྲོད་བྱུང་མོད། འོན་ཀྱང་རྒྱ་ནག་གཞུང་གིས་ཧོང་ཀོང་དམིགས་བསལ་ས་ཁུལ་ལ་རང་སྐྱོང་གི་གཞི་རྩའི་བཅའ་ཁྲིམས་གཏན་འབེབས་བྱས་པ་ལག་བསྟར་བྱེད་ཀྱི་མེད་པ་དང་།