འཇམ་དབྱངས་རྒྱལ་མཚན་ལགས་ནི་ཨ་རིའི་ཀོ་ལིམ་པི་ཡཱ་སློབ་གྲྭ་ཆེན་མོར་སློབ་གསོ་རིག་པའི་རམ་འབྱམས་པ་དང་དབྱིན་ཡུལ་གྱི་Cambridge་སློབ་གྲྭ་ཆེན་མོར་སློབ་གསོ་རིག་པའི་ཉེ་བའི་འབུམ་རབས་པ་བཅས་ཀྱི་སློབ་ཐོན་གནང་རྗེས། ད་ལྟ་བོད་ཀྱི་ཐེབས་རྩའི་ཤེས་ཡོན་ལས་འཆར་གྱི་འབྲེལ་མཐུད་པ་རེད། ཁོང་གིས་ལས་ཞོར་དུ་སློབ་གསོ་རིག་པ་བ་ཁག་ཅིག་དང་མཉམ་དུ་འཇམ་དབྱངས་ཤེས་ཡོན་ཞབས་ཞུ་ཁང་བཙུགས་ཏེ། བཙན་བྱོལ་གྱི་བྱིས་པའི་སློབ་གསོ་དང་འཚར་ལོངས་ལ་ཚན་རིག་དང་མཐུན་པའི་རྒྱུ་ཆ་དང་རྒྱུན་ཤེས་མཁོ་སྤྲོད་གནང་གི་ཡོད་པ་མ་ཟད། ཡང་བྱིས་སྒྲུང་དཔར་སྐྲུན་དང་ཕ་མར་ཟབ་སྦྱོང་སོགས་ཀྱི་ཕྱག་ལས་གནང་བཞིན་པ་རེད། ཐེངས་འདིའི་ཁ་བའི་མི་སྣའི་ལེ་ཚན་དུ་རྒྱལ་མཚན་ལགས་དང་མཉམ་དུ་ཁོང་གི་སློབ་གསོའི་ལམ་བུ་དང་སློབ་གསོའི་ལྟ་བ་སོགས་ཀྱི་སྐོར་ལ་གླེང་མོལ་བྱེད་ཡོད།།