སྤྱིར་འཛམ་གླིང་གི་ཡུལ་གྲུ་མང་པོར་ཕོ་མོ་དབྱེ་འབྱེད་དང་རིགས་རུས་ཀྱི་ཁྱད་པར། འཇོན་ཐང་སོགས་ཀྱི་དབང་གིས་དབྱེ་འབྱེད་མང་དུ་མཆིས་ཤིང་། འདས་པའི་ལོ་རྒྱུས་སུ་སྤྱི་ཚོགས་ཀྱི་བྱེད་སྒོ་ཁག་དང་འཛིན་སྐྱོང་ལས་དོན་ཁག་ལ་བུད་མེད་ཀྱི་བྱས་རྗེས་བཞག་པ་མཐོང་ཐོས་དཀོན། འདི་ནི་སྤྱི་ཚོགས་སུ་བུད་མེད་ལ་ཐོབ་ཐང་དང་གོ་སྐབས་གཅིག་མཚུངས་མེད་པ་དེ་ལས་བྱུང་ཡོད་པ་སྟེ། དུས་རབས་༡༨་དང་༡༩་པའི་ནང་དུ་བུད་མེད་ལ་ཐོབ་ཐང་གཅིག་མཚུངས་ཤིག་འཐོབ་རྒྱུའི་དོན་དུ་ཕུགས་བསམ་ཅན་དང་