ཐེ་ཝན་དུ་བཅའ་སྡོད་ཨ་རིའི་ཉམས་ཞིབ་ཁང་གི་འགན་འཛིན་བྷུ་རན་ཊི་ཁེ་རོ་སི་ཊིན་གྱིས་ཐེ་ཝན་དང་རྒྱ་ནག་སྟེ། མཚོ་འགག་ཕྱོགས་གཉིས་ཀྱི་ཞི་བདེ་བརྟན་ལྷིང་ནི་ཨ་རིའི་ཁེ་ཕན་ལ་འབྲེལ་བ་དམ་ཟབ་ཡོད། ཐེ་ཝན་དང་རྒྱ་ནག་གཉིས་ཀྱིས་བཟང་ཕྱོགས་ཀྱི་གྲོས་མོལ་བྱ་དགོས་པ་ལས་དྲག་སྤྱོད་ཀྱི་སྒོ་ནས་འཇིགས་སྐུལ་བྱས་ཏེ་ཕན་ཚུན་འགལ་ཟླ་མི་སློང་བའི་རེ་བ་ཡོད། མ་འོངས་པར་ཨ་རི་དང་ཐེ་ཝན་གྱི་འབྲེལ་བ་ཡར་རྒྱས་གཏོང་གི་ཡིན། ཐེ་ཝན་གྱི་བདེ་འཇགས་ཐད་དུའང་མཉམ་འབྲེལ་བྱ་འཆར་ཡོད་ཅེས་བཤད་འདུག