༄༅།། ཕྱི་ཚེས་༡༩་ཉིན་བཙན་བྱོལ་བོད་མིའི་བདེ་སྲུང་ལས་ཁང་གིས་རྒྱ་གར་དབུས་གཞུང་གི་ཕྱི་མི་དེབ་སྐྱེལ་ལས་ཁང་གི་དྲྭ་རྒྱའི་སྟེང་དུ་རྒྱ་གར་ལ་གནས་སྡོད་བྱེད་མཁན་སྐྱབས་བཅོལ་བ་ཚོས་རང་གི་ལག་འཁྱེར་གྱི་དུས་ཡུན་ཕར་འགྱངས་བྱ་རྒྱུ་འགོར་པ་ཡིན་ན་ཧིན་སྒོར་༥༠༠་རེའི་ཉེས་ཆད་འགེལ་རྒྱུ་གཏན་འབེབས་ཟིན་ཡོད་ཅེས་བཀོད་འདུག དེར་བརྟེན་རྒྱ་གར་དུ་གནས་འཁོད་བོད་པ་བཙན་བྱོལ་བ་ཚོས་ཡིད་གཟབ་བྱ་དགོས་པའི་ནན་སྐུལ་བྱས་ཡོད་པའི་སྐོར། འདི་གའི་ལས་བྱེད་པ་ཚེ་བརྟན་ཆོས་སྒྲོན་ལགས་ཀྱིས་བོད་མིའི་སྒྲིག་འཛུགས་ཀྱི་བདེ་སྲུང་ལྷན་ཁང་གི་དྲུང་ཆེ་ཀརྨ་རིན་ཆེན་ལགས་སུ་བཅར་འདྲི་ཞུས་པ་དེ་གསན་རོགས་གནང་།།
