༄༅།། ཐེ་ཝན་གྱི་སྲིད་འཛིན་ཚེ་དབྱིན་ཝེན་གྱིས་རྒྱལ་ཡོངས་ལ་ཕྱི་ལོ་གསར་ཚེས་ཀྱི་གསུང་བཤད་གནང་ཡོད་ཅིང་། ཁོང་གིས་རྒྱ་ནག་གཞུང་གིས་ཐེ་ཝན་ལ་འཛིན་པའི་སྲིད་ཇུས་དེར་དགག་པ་དང་མཚོ་གླིང་དེས་རང་སྲིད་རང་སྐྱོང་གི་གནས་བབ་རྩ་འཛིན་བྱ་དགོས་ཀྱིན་འདུག་ཅེས་གསུངས་ཡོད་པར་མ་ཟད། རྒྱ་ནག་དང་ཐེ་ཝན་གཉིས་ཆབ་སྲིད་ཀྱི་ལངས་ཕྱོགས་དང་སྤྱི་ཚོགས་ཀྱི་ལམ་ལུགས། རྩ་འཛིན་བཅས་པ་ཕྱོགས་གང་ཐད་དུ་འདྲ་མཚུངས་ཤིག་མིན་པས་རྒྱ་ནག་གིས་ངེས་པར་དུ་དངོས་ཡོད་གནས་སྟངས་ལ་ཁས་ལེན་བྱ་དགོས། མཚོ་གླིང་འདིའི་བདག་དབང་ལ་ནམ་ཡང་གནོད་སྐྱོན་གཏོང་དུ་འཇུག་ཐུབ་ཐབས་མེད་ཅེས་ནན་བརྗོད་གནང་ཡོད་པའི་སྐོར། རྒྱལ་སྤྱིའི་གསར་ལམ་ཁག་ལ་ཐོན་པའི་གནས་ཚུལ་དེ་ཚེ་བརྟན་ཆོས་སྒྲོན་ལགས་ཀྱིས་ཕྱོགས་བསྒྲིགས་དང་སྙན་སྒྲོན་ཞུ་ཡི་རེད།།
