བཞུགས་སྒར་རྡ་རམ་ས་ལར་དབུས་བོད་ཀྱི་སྨན་རྩིས་ཁང་གིས་ཕྱི་ཟླ་༡༢་པའི་ཚེས་༧་ཉིན་མོར་དམིགས་གསལ་གྱི་གསར་འགོད་ལྷན་ཚོགས་བསྐོངས་ནས་རྒྱ་ནག་གཞུང་གིས་བོད་ཀྱི་གསོ་བ་རིག་པའི་སྨན་གཞུང་ལ་བདག་གཉེར་བྱ་ཐབས་ཀྱི་འབད་བརྩོན་འདྲ་མིན་ཞིག་བྱེད་བཞིན་ཡོད་པར་ངོས་ལེན་བྱ་ཐབས་མེད་ཅེས་དོན་ཚན་བཞི་ཅན་ཞིག་གསལ་བསྒྲགས་སྤེལ་ཡོད་ཅིང་། ད་ཐེངས་ཀྱི་གསར་འགོད་ལྷན་ཚོགས་དེ་ནི་དབུས་བོད་ཀྱི་སྨན་རྩིས་ཁང་གི་འགན་འཛིན་ཚེ་རིང་བཀྲ་ཤིས་དང་དབུས་བོད་ཀྱི་སྨན་རྩིས་ཁང་གི་སྤྱི་ཁྱབ་སྨན་པ་དང་སྐུའི་བླ་སྨན་པ་ཚེ་དབང་རྟ་མགྲིན་རྣམ་གཉིས་དབུ་བཞུགས་ཀྱིས་བསྡུ་སྐོང་བྱས་པ་ཞིག་ཡིན་པའི་སྐོར། འདི་གའི་གསར་འགོད་པ་བསྟན་འཛིན་བཟང་མོ་ལགས་ཀྱིས་གནས་ཚུལ་བཏང་བ་ཞིག་གསན་རོགས་གནང་།
