རྒྱལ་སྤྱིའི་བོད་དོན་ལས་འགུལ་ཁང་གིས་ཉེ་ཆར་སྙན་ཐོ་ཞིག་སྤེལ་ཏེ། མིས་བཟོས་སྲུང་སྐར་གྱིས་བསྐྱོན་པའི་པར་རིས་ལ་ཞིབ་འཇུག་བྱས་ན་རྒྱ་ནག་གཞུང་གིས་བོད་ཀྱི་རྒྱལ་ས་ལྷ་ས་རུ་བཙོན་ཁང་རྒྱ་བསྐྱེད་དང་དེང་རབས་ཅན་དུ་བསྒྱུར་བཞིན་པ་དང་། དེ་བཞིན་དུ་ཡུལ་སྐོར་སྤྲོ་འཆམ་ལས་རིགས་གཙིགས་སུ་བཟུང་ནས་མཐའ་ན་བཙོན་ཁང་གི་ཐག་ཉེར་ཡང་མགྲོན་ཁང་ཆེན་པོ་གསར་རྒྱག་བྱས་ཡོད་པའི་མཚོན་དོན་སོགས་ཀྱི་ཐད། རྒྱལ་སྤྱིའི་བོད་དོན་ལས་འགུལ་ཁང་གི་འགན་འཛིན་གཞོན་པ་བུ་ཆུང་ཚེ་རིང་ལགས་ལ་བཅར་འདྲི་ཞུས་ཡོད།།