༄༅།། རྒྱ་ནག་གཞུང་གིས་སི་ཁྲོན་ཞིང་ཆེན་གྱི་རྒྱལ་ས་ཁྲེན་ཏུའུ་གྲོང་ཁྱེར་ནས་བོད་ཀྱི་རྒྱལ་ས་ལྷ་སའི་བར་དུ་མེ་འཁོར་ལྕགས་ལམ་འཛུགས་སྐྲུན་གྱི་ལས་གཞི་ཧ་ཅང་རྒྱ་ཆེན་པོ་ཞིག་གཉེར་འགོ་ཚུགས་ཡོད་ཅེས་རྒྱ་ནག་གི་གཞུང་གཉེར་གསར་འགྱུར་ལས་ཁང་གིས་གནས་ཚུལ་སྤེལ་ཡོད་ཅིང་། རྒྱང་ཐག་སྤྱི་ལེ་༡༧༠༠་ཡོད་པའི་མེ་འཁོར་ལྕགས་ལམ་འདི་ཕྱི་ལོ་༢༠༢༦་ཡས་མས་སུ་ལེགས་འགྲུབ་འབྱུང་རྒྱུའི་ཚོད་དཔག་བྱེད་ཀྱི་ཡོད་པ་རེད།
གཟའ་འཁོར་འདིའི་ལས་རིམ་ནང་དུ་རྒྱ་ནག་ཉམས་ཞིབ་པ་གཉིས་ལ་ལས་གཞི་དེས་བོད་ཀྱི་སྣོད་བཅུད་གཉིས་ལ་ཤུགས་རྐྱེན་ཅི་ཙམ་ཐེབས་སྲིད་མིན་སོགས་ལ་བགྲོ་གླེང་ཞུས་ཡོད།།