ཉེ་ཆར་ཕྱི་ཟླ་༥་པའི་ཚེས་༢༣་ཉིན་ཨ་རིའི་གྲོས་ཚོགས་འོག་མའི་ཕྱི་འབྲེལ་ལས་དོན་ཚོགས་ཆུང་གིས་ཉན་ཞིབ་ཅིག་གི་སྐབས་སུ་ཨ་མི་རི་ཀའི་ཕྱི་སྲིད་དྲུང་ཆེ་མེཀ་ཕོམ་ཕིའོ་ཡིས་ཨ་རིའི་བོད་པ་ཚོ་བོད་ལ་གཉེན་འཕྲད་དུ་བསྐྱོད་པར་རྒྱ་ནག་ལ་གཅིག་ལན་གཅིག་འཇལ་གྱི་སྲིད་ཇུས་ཤིག་ལག་ལེན་བསྟར་བཞིན་ཡོད། གལ་སྲིད་རྒྱ་ནག་གཞུང་གིས་ཨ་མི་རི་ཀ་བ་ཚོ་བོད་ལ་བསྐྱོད་ཆོག་པའི་ཐོངས་མཆན་མི་སྤྲོད་ན་ཨ་རིས་ཀྱང་རྒྱ་ནག་གི་འབྲེལ་ཡོད་མི་སྣ་ཁག་ཅིག་ཨ་མི་རི་ཀར་ཡོང་ཆོག་པའི་ཐོངས་མཆན་སྤྲོད་རྒྱུ་མིན་པའི་གྲོས་ཆོད་ལག་ལེན་བསྟར་བཞིན་ཡོད་ཅེས་ཡིག་ཐོག་ཏུ་ལན་འདེབས་གནང་པའི་སྐོར། བསོད་ནམས་དབྱངས་འཛོམས་ཀྱིས་གནས་ཚུལ་སྙན་སྒྲོན་ཞུ་ཡི་རེད།།
