རྒྱ་གར་ལྷོ་ཕྱོགས་སུ་ཕྱག་བཏབ་པའི་བཀའ་བརྒྱུད་ནཱ་ལནྡྲ་དགོན་པར་དཔལ་རྒྱལ་བ་ཀརྨ་པ་སྐུ་ཕྲེང་༡༧་པ་ཨོ་རྒྱན་འཕྲིན་ལས་རྡོ་རྗེ་མཆོག་ཕྱི་ལུགས་ལྟར་དགུངས་འཁྲུངས་༣༣་ལ་ཕེབས་པའི་འཁྲུངས་སྐར་སྔོན་བསུས་དང་སྦྲགས། འཛམ་གླིང་གི་ཁོར་ཡུག་ཉིན་མོར་སྲུང་བརྩི་ཞུས་ཡོད་ཅིང་། སྤྱིར་བཀའ་བརྒྱུད་ནཱ་ལནྡྲ་དགོན་པས་རང་བྱུང་ཁོར་ཡུག་གཅེས་སྐྱོང་ཐད་དུ་འདས་པའི་ལོ་མང་པོའི་རིང་ལ་འབད་བརྩོན་བྱས་ཏེ་ལྷོ་ཕྱོགས་བོད་མིའི་གཞིས་ཆགས་ཁག་གིས་མིག་དཔེ་བལྟ་ཡུལ་ཞིག་ཏུ་གྱུར་ཡོད་པར་མ་ཟད།