ཕྱི་ཟླ་༤་ཚེས་༢༧་ཏེ། གཟའ་པ་སངས་ཉིན་བྱང་ཀོ་རི་ཡའི་འགོ་ཁྲིད་ཀིམ་ཇུང་ཨུན་དང་ལྷོ་ཀོ་རི་ཡའི་སྲིད་འཛིན་མུན་ཅེ་དབྱིན་གཉིས་ས་མཚམས་ཀྱི་ཕན་མུན་ཇོམ་ཞི་བདེའི་ཁང་དུ་ཐུག་འཕྲད་གྲོས་མོལ་བྱུང་བ་དང་། ཐོག་མར་ཀིམ་ཇུང་ཨུན་ལྷོ་ཀོ་རི་ཡའི་ས་ཐོག་ཏུ་གོམ་པ་སྤོས་ནས་སྲིད་འཛིན་མུན་ཅེ་དབྱིན་གྱིས་སྣེ་ལེན་ཞུ་རྒྱུའི་འཆར་གཞི་གཅིག་པུ་ལས་མེད་ཀྱང་ཀིམ་ཇུང་ཨུན་གྱིས་ལྷོ་ཀོ་རི་ཡའི་སྲིད་འཛིན་མུན་ཅེ་དབྱིན་ཡང་བྱང་ཀོ་རི་ཡའི་ཕྱོགས་སུ་གོམ་པ་སྤོ་དགོས་ཞེས་གདན་འདྲེན་ཞུས་ཏེ།