བོད་ཀྱི་རང་དབང་རྩོམ་པ་པོ་དང་དམངས་གཙོ་དོན་གཉེར་པ་ཞོགས་ལྗང་ངམ། དངོས་མིང་ལ་འབྲུག་ལོ་ཞེས་པ་དེ་རིང་སྤྱི་ཟླ་༣་པའི་ཚེས་༡༩་ཉིན་བཙོན་འཇུག་གི་ལོ་དུས་ཚང་ནས་བཙོན་གྲོལ་ཐོབ། ཁོང་རང་གི་སྐྱེས་ཡུལ་རྒན་གྱ་ཡུལ་ཚོར་བསླེབས་ཀྱང་ས་མ་རུབ་བར་དུ་རང་ཁྱིམ་ལ་ལོག་ཏུ་མ་བཅུག་པར་བཀག་པ་དང་ས་རུབ་པའི་རྗེས་སུ་ཁྱིམ་ལ་ལོག་ཏུ་བཅུག་པའི་གནས་ཚུལ་ཐོན་འདུག རྩོམ་པ་པོ་ཞོགས་ལྗང་ནི་སྤྱི་ལོ་༢༠༡༥་ལོའི་ཟླ་༣་པའི་ཚེས་༡༩་ཉིན་རྒྱ་ནག་གི་ཉེན་རྟོག་པས་རེབ་གོང་དུ་འཛིན་བཟུང་བྱས་ཤིང་།