བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་ཕྱི་ཟླ་༡༢་ཚེས་༡༡་ཉིན་རྒྱ་གར་ལྷོ་ཕྱོགས་ཀྱི་མོན་གྷོ་འདོད་དགུ་གླིང་བོད་མིའི་གཞིས་ཆགས་སུ་ཆིབས་སྒྱུར་མཛད་ཡོད་ཅིང་། དེ་རིང་བོད་ཟླ་༡༠་པའི་ཚེས་༢༥་སྟེ། དགའ་ལྡན་ལྔ་མཆོད་ཀྱི་དུས་ཆེན་ཁྱད་པར་ཅན་འདིར་༧གོང་ས་མཆོག་གིས་དཔལ་ལྡན་འབྲས་སྤུངས་སུ་གདན་ས་ཆེན་པོ་དགའ་ལྡན་དང་འབྲས་སྤུངས་གཉིས་ཀྱི་དགེ་འདུན་པ་དང་ས་གནས་མི་དམངས་བཅས་ལ་གསུང་ཆོས་བཀའ་དྲིན་བསྩལ་ཡོད་པ་སོགས་ཀྱི་སྐོར། ༧གོང་ས་མཆོག་གི་ཉིན་གཉིས་པའི་མཛད་འཕྲིན་སོགས་ལ་མོན་གྷོ་འདོད་དགུ་གླིང་གཞིས་ཆགས་ཀྱི་གཞིས་འགོ་འཇིགས་མེད་ཚུལ་ཁྲིམས་ལགས་སུ་གནས་འདྲི་ཞུས་པ་དེ་ གསན་རོགས་གནང་།
