གཟའ་འཁོར་འདིར་རྒྱ་དཀར་ནག་གི་ཕྱི་སྲིད་བློན་ཆེན་རྣམ་གཉིས་ལྡི་ལི་གསར་པར་ཐུག་འཕྲད་གྲོས་མོལ་བྱས་པ་དང་། ཁ་སང་གཟའ་ཟླ་བའི་ཉིན་རྒྱ་གར་གྱི་ཕྱི་སྲིད་བློན་ཆེན་སུ་ཤི་མ་སུ་ཝྭ་ར་ཇི་དང་རྒྱ་ནག་གི་ཕྱི་སྲིད་བློན་ཆེན་ཝང་དབྱི་གཉིས་ཀྱིས་གྲོས་མོལ་ལྷུག་པོ་བྱུང་སྟེ། རྒྱ་དཀར་ནག་གཉིས་ལ་ས་མཚམས་ཀྱི་རྩོད་གཞི་ཡོད་པ་དེར་མུ་མཐུད་དུ་གྲོས་མོལ་བྱས་ནས་ཐག་གཅོད་བྱ་རྒྱུ། རྒྱ་དཀར་ནག་གཉིས་ལ་ཕན་ཚུན་ཡིད་ཆེས་མེད་པའི་དཀའ་ངལ་ཡོད་པ་སེལ་ཐབས་བྱ་རྒྱུའི་གྲོས་མཐུན་བྱུང་འདུག