ད་རིང་གི་ལས་རིམ་འདིའི་ནང་བཞུགས་སྒར་རྡ་རམ་ས་ལར་རྟེན་གཞི་བྱས་པའི་བོད་ཀྱི་སྲིད་བྱུས་ཉམས་ཞིབ་ཁང་གི་ཁོར་ཡུག་སྡེ་ཚན་གྱི་འགན་འཛིན་འཛམ་བླ་བསྟན་པ་རྒྱལ་མཚན་ལགས་དང་། རྒྱལ་སྤྱིའི་བོད་དོན་འབྲེལ་མཐུད་ཁང་གི་ཁོར་ཡུག་ཉམས་ཞིབ་པ་བློ་བཟང་དབྱངས་མཚོ་ལགས་གཉིས་མཉམ་དུ་ལས་གཞི་འདིས་བོད་ཀྱི་ཁོར་ཡུག་ལ་གནོད་སྐྱོན་ཇི་ཙམ་ཡོང་སྲིད་པ་དང་། རྒྱ་ནག་གཞུང་གིས་ལས་གཞི་འདི་འདྲ་ཞིག་ལག་བསྟར་བྱ་དགོས་པའི་རྒྱུ་མཚན་སོགས་ཀྱི་ཐད་ལ་བཀའ་མོལ་ཞུས་པ་ཞིག་ཡོད།