༅།། ཕྱི་ཟླ་༡༢་པར་ཁེ་ན་ཌའི་སྲིད་བློན་རྒྱ་ནག་ལ་རྒྱལ་དོན་འཚམས་འདྲིར་ཕེབས་འཆར་ཡོད་པ་དང་། སྲིད་བློན་ལས་ཁུངས་ཀྱིས་རྒྱ་ནག་གི་འགོ་ཁྲིད་ཚོར་ཚོང་ལས་དང་འགྲོ་བ་མིའི་ཐོབ་ཐང་གི་གནད་དོན་སོགས་གྲོས་བསྡུར་བྱ་འཆར་ཡོད་ཅེས་གསལ་བསྒྲགས་སྤེལ་འདུག ཉེ་ཆར་ཁེ་ན་ཌའི་གྲོས་ཚོགས་སུ་གྲོས་ཚོགས་འཐུས་མི་ཁག་ཅིག་གིས་བོད་པ་སྲིད་དོན་བཙོན་པའི་གནས་སྟངས་ལ་གླེང་སློང་རིམ་པ་ཞིག་བྱུང་ཡོད་ཅིང་། བོད་པ་ཚོར་གཞི་རྩའི་སྨྲ་བརྗོད་རང་དབང་དང་འགྲོ་བ་མིའི་ཐོབ་ཐང་མེད་པར་ཁེ་ན་ཌའི་གཞུང་གིས་གླེང་སློང་དང་རྒྱབ་སྐྱོར་བྱ་དགོས་ཀྱིན་འདུག་ཅེས་སྐུལ་ལྕག་བཏང་བའི་གནས་ཚུལ་ཞིབ་ཕྲ་བསོད་ནམས་དབྱངས་འཛོམས་ཀྱིས་སྙན་སྒྲོན་ཞུ་ཡི་རེད།།
