རེས་གཟའ་ལྷག་པའི་ཉིན་ཨ་རིའི་ཕྱི་སྲིད་དྲུང་ཆེ་རེཀྶ་ ཀྲེ་ལར་སན་གྱིས་རྒྱ་གར་གྱི་སྲིད་བློན་ན་རེན་ཌྲ་ མོ་དྷི་དང་མཇལ་མོལ་གནང་རྗེས་རྒྱ་གར་གྱི་ཕྱི་སྲིད་དྲུང་ཆེ་སུཤ་མ་ སྭ་རཇ་ལྷན་དུ་འཇིགས་བསྐུལ་དྲག་སྤྱོད་པར་འགོག་རྒོལ་ལ་རྒྱལ་ཁབ་གཉིས་དཔུང་པ་མཉམ་བཤིབ་ཀྱི་ཕྱག་ལས་གནང་རྒྱུ་དང་། འཕྲུལ་རིག་ལག་རྩལ་གོང་འཕེལ་དང་དཔལ་འབྱོར་འབྲེལ་བ། ཕྱི་འབྲེལ་དང་དམག་དོན་འབྲེལ་བ་སོགས་རྒྱལ་ཁབ་གཉིས་ཀྱི་འབྲེལ་བ་གོང་འཕེལ་གཏོང་ཕྱོགས་སོགས་གནང་དོན་མང་པར་བཀའ་བསྡུར་གནང་འདུག