རྒྱ་ནག་ཏ་ལཱེན་གྲོང་ཁྱེར་ནི་རྒྱལ་ཁབ་དེའི་བྱང་ཕྱོགས་ཀྱི་ལེའོ་ནིང་ཞིང་ཆེན་ཁོངས་སུ་ཡོད་པ་དང་། ཞིང་ཆེན་དེ་བྱང་ཀོ་རི་ཡར་ས་འབྲེལ་ཡིན་པས་རྒྱ་ནག་གཞུང་གིས་ཕྱོགས་གང་ཐད་དུ་ཏ་ལཱེན་གྲོང་ཁྱེར་ལ་དོགས་ཟོན་བྱེད་བཞིན་ཡོད། དེ་རིང་གཟའ་ཟླ་བའི་ཉིན་རྒྱ་ནག་གཞུང་གིས་ཏ་ལཱེན་གྲོང་ཁྱེར་དུ་ཉི་ཧོང་བ་ཞིག་སོ་མྱུལ་གྱི་དོགས་གཞིའི་འོག་ཏུ་འཛིན་བཟུང་བྱས་པ་ཡིན་ཞེས་ཁྱབ་བསྒྲགས་བྱས་མོད། ཡིན་ནའང་ཉི་ཧོང་བ་དེས་སོ་མྱུལ་ཇི་ལྟར་བྱས་ཡོད་མེད་ཀྱི་གནས་ཚུལ་ཞིབ་ཕྲ་ཕྱིར་བསྒྲགས་བྱས་མེད་པ་རེད།།