ངོ་འཕྲད་བདེ་བའི་དྲ་འབྲེལ།


ཉེ་ཆར་ཕྱི་ཟླ་༩་ཚེས་༡༢་ཉིན་འགྲོ་བ་མིའི་ཐོབ་ཐང་དོན་གཉེར་པ་དང་ཁྲིམས་འགལ་ཐེར་འདོན་པ་སྟེ། འཛམ་གླིང་ཡོངས་ཀྱི་གཞུང་འབྲེལ་མ་ཡིན་པའི་ཚོགས་པ་༢༣་དང་མི་དམངས་མཉམ་འབྲེལ་གྱིས་ཨ་རིའི་ཕྱི་སྲིད་དྲུང་ཆེ་ཊི་ལར་སན་དང་ནོར་སྲིད་དྲུང་ཆེ་གཉིས་ཀྱི་མཚན་ཐོག་ཏུ་སྙན་ཞུ་ཞིག་ཕུལ་ནས་ཨ་རིའི་སྲིད་གཞུང་གིས་འཛམ་གླིང་ཡོངས་ཀྱི་འགྲོ་བ་མིའི་ཐོབ་ཐང་ལ་འགན་ལེན་བྱེད་པའི་མ་གྷི་ཎི་ཚི་སི་ཀིའི་ཁྲིམས་གཞི་ལག་བསྟར་ནན་མོ་བྱ་དགོས་པ་དང་། འཛམ་གླིང་རྒྱལ་ཁབ་བཅོ་ལྔའི་འགོ་ཁྲིད་སྐོར་ཞིག་གིས་རང་གི་མི་དམངས་ཀྱི་འགྲོ་བ་མིའི་ཐོབ་ཐང་བརྩི་མེད་རྡོག་རོལ་བཏང་ནས་ཁྲིམས་འགལ་གྱི་བྱ་སྤྱོད་སྤེལ་ཡོད་པར་ཞིབ་བཤེར་བྱ་རྒྱུ། ཁོ་ཚོའི་འགྲོ་སྐྱོད་སོགས་ལ་བཀག་སྡོམ་བྱ་དགོས་པའི་འབོད་སྐུལ་བྱས་འདུག འགོ་ཁྲིད་དེ་དག་གི་གྲས་སུ་པཱ་ན་མ་རྒྱལ་ཁབ་ཀྱི་ཀྱི་སྲིད་འཛིན་ཟུར་པ་དང་རྒྱ་ནག་གི་དབུས་གཞུང་སྤྱི་བདེ་ལས་ཁུངས་ཀྱི་རྒྱུན་ལས་འགོ་ཁྲིད་གཞོན་པ་ཧྥུའུ་ཀྲིན་ཧྭ། པེ་ཅིན་གྲོང་ཁྱེར་གྱི་སྤྱི་བདེ་ལས་ཁུངས་ཀྱི་འགོ་ཁྲིད་གཞོན་པ་ཐོ་ཅིན་གཉིས་ཀྱང་ཐོ་གཞུང་དེར་འཁོད་ཡོད་ཅིང་། གོང་གི་སྙན་ཞུ་དེར་ཨ་རིའི་སྲིད་གཞུང་གིས་རྒྱལ་སྤྱིའི་མ་གྷི་ཎི་ཚི་སི་ཀིའི་འགྲོ་བ་མིའི་ཐོབ་ཐང་ལ་འགན་ལེན་གྱི་བཅའ་ཁྲིས་གཞི་བཟུང་ལྟར་རྒྱ་ནག་གི་འགྲོ་བ་མིའི་ཐོབ་ཐང་དོན་གཉེར་པ་ཚོ་ཧྲོན་ལི་རྒྱ་ནག་གཞུང་གིས་འཛིན་བཟུང་དང་མནར་གཅོད་བཏང་ནས་འདས་གྲོངས་སུ་གྱུར་པ་དང་། ཚོ་ཧྲོན་ལི་ལ་མནར་གཅོད་བཏང་ནས་རྐྱེན་འདས་སུ་གཏོང་མཁན་སུ་ཡིན་རྩད་གཅོད་བྱ་དགོས་པའི་སྐུལ་ལྕག་བཏང་ཡོད་པ་མ་ཟད། རྒྱ་ནག་གི་འགྲོ་བ་མིའི་ཐོབ་ཐང་དོན་གཉེར་པ་སྐྱེས་མ་ཚོ་ཧྲོན་ལི་༢༠༡༣་ལོའི་ཕྱི་ཟླ་༩་པའི་ཚེས་༡༤་ཉིན་འཇི་ཎི་ཝྭའི་འགྲོ་བ་མིའི་ཐོབ་ཐང་གི་ཟབ་སྦྱོང་ཚོགས་འདུར་ཞུགས་པར་སྐྱོད་ཀྱི་ཡོད་ཀྱང་པེ་ཅིང་གནམ་ཐང་དུ་གར་སོང་ཆ་མེད་དུ་གྱུར་པ་དང་། ལོ་དེའི་ཕྱི་ཟླ་༡༠་ཚེས་༢༡་ཉིན་རྒྱ་ནག་གཞུང་གིས་ཚོ་ཧྲོན་ལི་ལ་སྤྱི་ཚོགས་ཀྱི་སྒྲིག་སྲོལ་ལ་གཏོར་བཤིག་གཏོང་མཁན་གྱི་ཉེས་མིང་འོག་ཏུ་དངོས་སུ་འཛིན་བཟུང་བྱས་པ་ཡིན་ཞེས་བསྒྲགས། ཁོ་མོ་འཛིན་བཟུང་བྱས་ནས་ཟླ་བ་༦་འགོར་བའི་རྗེས་ཏེ། ཕྱི་ལོ་༢༠༡༤་ལོའི་ཕྱི་ཟླ་༣་ཚེས་༡༤་ཉིན་རྒྱ་གཞུང་གིས་ཚོ་ཧྲོན་ལིའི་ནང་མི་རྣམས་སྨན་ཁང་དུ་ཤོག་ཅེས་བརྡ་བརྒྱབ་ཀྱང་སྐབས་དེར་ཚོ་ཧྲོན་ལི་སྨན་ཁང་དུ་འདས་གྲོངས་སུ་གྱུར་ཡོད་པ་རེད། ཚོི་ཧྲོན་ལི་འཚོ་བཞུགས་སྐབས་སུ་ཁྲིམས་མཐུན་གྱི་སྒོ་ནས་རྒྱ་ནག་སྲིད་གཞུང་གིས་སྤྱི་དམངས་རྣམས་ལ་རང་གི་རྒྱལ་ཁབ་དེའི་འགྲོ་བ་མིའི་ཐོབ་ཐང་གི་གནས་ཚུལ་སྙན་ཞུ་འབུལ་ཆོག་པའི་རང་དབང་སྟེར་དགོས་ཞེས་རེ་ཞུས་ཏེ། ཁོ་མོ་རང་ངོས་ནས་མཉམ་འབྲེལ་རྒྱལ་ཚོགས་འགྲོ་བ་མིའི་ཐོབ་ཐང་གི་འགན་འཛིན་ལྷན་ཚོགས་ལ་རྒྱ་ནག་སྲིད་གཞུང་གིས་འགྲོ་བ་མིའི་ཐོབ་ཐང་དོན་གཉེར་པ་ཚོར་དྲག་གནོན་བྱེད་བཞིན་པའི་གནས་ཚུལ་རྣམས་སྙན་གསེང་ཞུས་མྱོང་ཡོད་པ་དང་། རྒྱ་ནག་གི་འགྲོ་བ་མིའི་ཐོབ་ཐང་སྲུང་སྐྱོབ་ཚོགས་པས་སྤེལ་པའི་གསལ་བསྒྲགས་སུ་རྒྱ་ནག་དབུས་གཞུང་སྤྱི་བདེ་ལས་ཁུངས་ཀྱི་རྒྱུན་ལས་འགོ་ཁྲིད་གཞོན་པ་ཧྥུའུ་ཀྲིན་ཧྭ་དང་རྒྱ་ནག་པེ་ཅིང་གྲོང་ཁྱེར་གྱི་སྤྱི་བདེ་ལས་ཁུངས་ཀྱི་འགོ་ཁྲིད་གཞོན་པ་ཐོ་ཅིན་གཉིས་ཚོ་ཧྲོན་ལི་ལ་མནར་གཅོད་བཏང་སྟེ་རྐྱེན་འདས་སུ་ཕྱིན་པའི་སྐབས་ཀྱི་སྤྱི་བདེ་ལས་ཁུངས་ཀྱི་འགོ་ཁྲིད་ཡིན་པས་ཨ་རིའི་སྲིད་གཞུང་གིས་མི་དེ་དག་ལ་འགན་འཁྲི་བཀལ་ནས་རྒྱལ་སྤྱིའི་ཁྲིམས་ལུགས་ལྟར་འགྲོ་བ་མིའི་ཐོབ་ཐང་རྡོལ་ལ་རོལ་གཏོང་མཁན་གྱི་ཐོ་གཞུང་ནག་པོའི་ནང་དུ་འགོད་པའམ། ཡང་ན་ཁོ་ཚོ་ཨ་རིར་ཡོང་མི་ཆོག་པའི་བཀག་སྡོམ་བྱ་དགོས་ཞེས་འབོད་སྐུལ་ཞུས་འདུག རྒྱལ་སྤྱིའི་མ་གྷི་ཎི་ཚི་སི་ཀི་འགྲོ་བ་མིའི་ཐོབ་ཐང་ལ་འགན་ལེན་བྱེད་པའི་ཁྲིམས་གཞི་འདི་ནི་ཨུ་རུ་སུའི་ཁྲིམས་རྩོད་པ་མ་གྷི་ཎི་སི་ཀིས་ཨུ་རུ་སུའི་གཞུང་གིས་ཁྲིམས་འགལ་བྱས་པ་ཐེར་འདོན་བྱས་ཏེ། ཁོ་པ་ཨུ་རུ་སུའི་གཞུང་གིས་འཛིན་བཟུང་བྱས་ནས་༢༠༠༩་ལོའི་ཕྱི་ཟླ་༡༡་པར་བཀག་ཉར་ཁང་དུ་འདས་གྲོངས་ཡོད་པར་ཨ་རིའི་གཞུང་གིས་དམ་པ་དེ་ཉིད་ལ་མྱ་ངན་དང་རྗེས་དྲན་བྱེད་པའི་ཆེད་དུ་འགྲོ་བ་མིའི་ཐོབ་ཐང་དོན་གཉེར་པ་དེའི་མཚན་ཐོག་ཏུ་ཁྲིམས་གཞི་འདི་ཨ་རིའི་གྲོས་ཚོགས་གོང་འོག་གཉིས་ཀྱིས་གཏན་ལ་ཕབ། ཁྲིམས་གཞི་དེའི་ཁ་ཕྱོགས་གཏོང་ས་དང་པོ་ནི་ཨུ་རུ་སུ་ཡིན་པ་དང་། དེའི་རྗེས་སུ་འཛམ་གླིང་རྒྱལ་ཁབ་གཞན་ཁག་གིས་ཀྱང་ཁྲིམས་གཞི་དེར་ངོས་ལེན་བྱས་ནས་ལག་ལེན་བསྟར་གྱི་ཡོད་པ་དང་ད་ལྟ་ཁྲིམས་གཞི་དེ་འཛམ་གླིང་ཡོངས་སུ་ཁྱབ་ཀྱི་ཡོད་པ་རེད།།

XS
SM
MD
LG