རེས་གཟའ་མིག་དམར་ཉིན་རྒྱ་གར་དབྱིན་ཇིའི་དབང་འོག་ནས་རང་བཙན་ཐོབ་ནས་ལོ་ ༧༡ འཁོར་བའི་དུས་དྲན་གྱི་མཛད་སྒོའི་ཐོག་སྲིད་བློན་ན་རེན་ཌྲ་ མོ་དྷིས་རྒྱལ་ཡོངས་ལ་གཏམ་བཤད་གནང་བའི་ནང་གསུངས་དོན་ལ་ རྒྱལ་ཁབ་ཀྱི་ས་མཚོ་གནམ་གསུམ་གྱི་དམག་མི་དང་། དེ་མིན་སྒྲིག་ཆས་གྱོན་ནས་སྲུང་སྐྱོབ་ཀྱི་ལས་དོན་བྱེད་མཁན་ཚང་མས་རྒྱལ་ཁབ་ཀྱི་སྲུང་སྐྱོབ་ལ་ཕྱི་ནས་ཉེན་ཁ་བཟོ་མཁན་དང་རྒྱལ་ནང་དུ་ཉེན་ཁ་བཟོ་མཁན་གཉིས་ཀར་རང་གི་སྲོག་ཚུན་བློས་བཏང་ནས་སྲུང་སྐྱོབ་ཀྱི་འགན་འཁུར་ཆ་ཚང་བ་བྱས་ཡོད།