༄༅།། ཕྱི་ལོ་༢༠༡༧་ལོའི་ཕྱི་ཟླ་༨་ཚེས་༧་ཉིན་བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་རྒྱ་གར་གྱི་རྒྱལ་ས་ལྡི་ལི་གསར་པར་བོད་བརྒྱུད་ནང་བསྟན་དང་ཨུ་རུ་སུའི་ཚན་རིག་པའི་བགྲོ་གླེང་ལྷན་ཚོགས་ཤིག་ཚོགས་པ་དེའི་ཚོགས་མགོན་ལ་ཆིབས་སྒྱུར་གནང་ཡོད་ཅིང་། རྒྱལ་ས་ལྡི་ལིར་ཚོགས་བཞིན་པའི་བོད་བརྒྱུད་ནང་བསྟན་དང་ཨུ་རུ་སུའི་ཚན་རིག་པའི་བགྲོ་གླེང་ལྷན་ཚོགས་འདི་ཐེངས་དང་པོ་ཡིན་པ་དང་། ཉིན་ལྔའི་བགྲོ་གླེང་ལྷན་ཚོགས་དེ་ཉིད་ཕྱི་ཟླ་༨་ཚེས་༥་ནས་དབུ་འཛུགས་གནང་འདུག ད་ཐེངས་ཀྱི་བགྲོ་གླེང་ལྷན་ཚོགས་འདིར་དོན་གཉེར་ཅན་མི་གྲངས་༥༠་ཙམ་ཕེབས་ཡོད་པ་སོགས་ཀྱི་སྐོར། ང་ཚོའི་གསར་འགོད་པ་ཚེ་རིང་དབང་རྒྱལ་ལགས་ཀྱིས་ལྡི་ལི་གསར་པ་ནས་བཏང་བའི་གནས་ཚུལ་དེ་གསན་རོགསད་གནང་།།
