ཟླ་བ་བཅུའི་གོང་དུ་ཉི་ཧོང་གི་གོང་མ་ཨ་ཀི་ཧི་ཏོས་གང་ཉིད་དགུང་ལོ་བགྲེས་དྲགས་པ་དང་སྐུ་གཟུགས་བདེ་ཐང་མེད་པ། ཉི་ཧོང་གི་གོང་མས་བསྐྱང་དགོས་པའི་མཛད་འགན་ཁག་འཐུས་ཤོར་འགྲོ་བཞིན་འདུག དེར་བརྟེན་ཉི་ཧོང་གི་གྲོས་ཚོགས་ཀྱིས་གོང་མ་ཁྲི་བཤོལ་བྱ་ཆོག་པའི་བཀའ་འཁྲོལ་གནང་རོགས་ཞེས་སྙན་གསེང་ཞུས་ཡོད་ཅིང་། དེ་རིང་གཟའ་པ་སངས་ཉིན་ཉི་ཧོང་གི་གྲོས་ཚོགས་འཐུས་མི་ཚོས་གོང་མ་ཁྲི་བཤོལ་གནང་ཆོག་པའི་སྙན་ཞུ་དེར་མོས་མཐུན་བྱས་པའི་གྲོས་གཞི་ཞིག་ལ་སྲིད་བློན་ཨ་བྷེས་ཆོག་མཆན་བཀོད་དེ།