བསོད་ནམས་སྟོབས་ལྡན་ལགས་ཀྱི་གླུ་གཞས་སྙན་མོ་མང་པོ་ཞིག་སྐད་གྲགས་ཆགས་པ་དང་བརྙན་པར་རོལ་དབྱངས་ཁག་ཅིག་སྤྱི་ཚོགས་འབྲེལ་མཐུད་དྲ་རྒྱའི་སྟེང་བཀོད་པར་བརྟེན། ཁོང་ལ་འཛམ་གླིང་ཡོངས་སུ་བོད་རིགས་གཞོན་སྐྱེས་གཙོ་བྱས་པའི་དགའ་མོས་བྱེད་མཁན་མང་དུ་བྱུང་ཡོད། ཁོང་གིས་རྒྱ་གར་དང་བལ་ཡུལ་དུ་གླུ་གཞས་དགོང་ཚོགས་འཚོག་བཞིན་པར་མ་ཟད་ཧིན་རྡི་དང་བལ་པོའི་སྐད་ཀྱི་གླུ་གཞས་ཀྱང་གཏོང་བཞིན་པས་ཧི་མ་ལ་ཡ་རི་རྒྱུད་དུ་དགའ་མོས་བྱེད་མཁན་ཇེ་མང་དུ་འགྲོ་བཞིན་ཡོད།