འདས་པའི་ཟླ་བ་ཁ་ཤས་རིང་རྒྱ་གར་ནང་གི་གསར་འགྱུར་བརྒྱུད་ལམ་ཁ་ཤས་ནང་ཡུལ་དེའི་སྲིད་བློན་མོ་ཊི་སྲིད་གཞུང་གིས་བོད་དོན་ཐད་འཛིན་བཞིན་པའི་སྲིད་ཇུས་ལ་འགྱུར་བ་ཕྲན་བུ་ཐེབས་བཞིན་ཡོད་པའི་ཚོད་དཔག་དང་དཔྱད་ཞིབ་གནང་མཁན་ཡོང་གི་ཡོད་པས། གཟའ་འཁོར་འདིའི་ལས་རིམ་ནང་བཞུགས་སྒར་རྡ་རམ་ས་ལ་ནས་རྩོམ་པ་པོ་དང་རང་བཙན་འཐབ་རྩོད་པ་བསྟན་འཛིན་བརྩོན་འགྲུས་ལགས་དང་རྩོམ་པ་པོ་རྡོ་རིང་བསྟན་འཛིན་ཕུན་ཚོགས་ལགས་གཉིས་དང་ལྷན་གླེང་མོལ་ཞུས་པ་ཞིག་གསན་རོགས་གནང་།