ཨ་རིའི་སྲིད་འཛིན་ཌོ་ནོལ་ཁྲ་རམ་ནས་རྒྱ་ནག་གི་སྲིད་འཛིན་ཞི་ཅིང་ཕིང་ལ་ཕྱག་ཡིག་ཞིག་བཏང་ཡོད་པ་དང་ཕྱག་ཡིག་ནང་དེ་སྔ་ཁོང་ལ་སྲིད་འཛིན་འོས་འདེམས་ལ་རྒྱལ་ཁ་ཐོབ་པའི་སྐབས་སྲིད་འཛིན་ཞི་ཡི་ནས་འཚམས་འདྲི་གནང་ཡོད་བར་ཐུགས་རྗེ་ཆེ་ཞུས་པ་དང་ཆབས་ཅིག་ཏུ་རྒྱ་ནག་མི་མང་ལ་ལོ་གསར་ལ་བཀྲིས་འཚམས་འདྲི་ཞུས་པ་མ་ཟད་ཡུལ་གྲུ་གཉིས་ཀར་ཁེ་ཕན་ཡོད་པའི་དགེ་མཚན་ལྡན་པའི་འབྲེལ་ལམ་ཞིག་ཡོང་རྒྱུའི་ཆེད་དུ་སྲིད་འཛིན་ཞི་དང་ལྷན་དུ་ཕྱག་ལས་གནང་རྒྱུའི་རེ་བ་ཡོད་ཅེས་སོགས་འཁོད་ཡོད་པ་རེད།