དགའ་ལྡན་ཤར་རྩེ་གྲྭ་ཚང་གི་མཁན་པོ་བྱང་ཆུབ་ཆོས་ལྡན་རིན་པོ་ཆེས་དབུ་ཁྲིད་པའི་བོད་བརྒྱུད་ནང་བསྟན་གྱི་སྐུ་ཚབ་ཚོགས་པ་ཞིག་ཨིན་ཌོ་ནི་ཤྱིའི་ནང་པའི་གནས་ཆེན་ཁག་ལ་གནས་གཟིགས་ལ་ཕེབས་འདུག་པ་དང་། དགའ་ལྡན་ཤར་རྩེའི་མཁན་རིན་པོ་ཆེས་གསུངས་དོན་ལ་ཨིན་ཌོ་ནི་ཤྱིའི་ཡུལ་བསྐོར་སྤྲོ་ཆམ་བློན་ཆེན་ལས་ཁུངས་ཀྱིས་སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་ལ་སྐུ་ཚབ་ཚོགས་པ་ཞིག་གཏོང་གནང་ཡོང་བའི་མགྲོན་འབོད་བྱུང་བ་བཞིན་དགའ་ལྡན་ཕོ་བྲང་གི་བཀའ་འབྲེལ་འོག་སྐུ་ཚབ་ཚོགས་པ་དེ་ཕེབས་པ་ཞིག་ཡིན་པ་དང་།