རྒྱ་ནག་གཞུང་གིས་ཕྱི་རྒྱལ་གྱི་དྲ་རྒྱ་ཁག་ལ་འབྲེལ་བ་མཐུད་མི་ཆོག་པའི་བཅའ་ཁྲིམས་ཟིན་བྲིས་ཤིག་གྲོས་གཞིར་བཏོན་ཡོད་ཅིང་། བཅའ་ཁྲིམས་དེ་ནམ་གཏན་འབེབས་བྱ་འཆར་ཡོད་མེད་དང་རྒྱ་ནག་མི་དམངས་ཀྱིས་དེ་ལ་ངོས་ལེན་བྱ་རྒྱུ་ཡིན་མིན་ངེས་གཏན་མེད་མོད། གལ་སྲིད་རྒྱ་ནག་གཞུང་གིས་གྲོས་གཞིར་བཏོན་པའི་དྲ་རྒྱའི་བཅའ་ཁྲིམས་དེ་དངོས་སུ་ལག་ལེན་བསྟར་ཚེ། རྒྱ་ནག་གི་དྲ་རྒྱའི་ལས་ཁུངས་ཁག་གིས་ཕྱི་རྒྱལ་གྱི་དྲ་ཚིགས་ཁག་ལ་འབྲེལ་བ་མཐུད་མི་ཆོག་པ་དང་། དྲ་རྒྱའི་ལས་ཁུངས་གང་ཞིག་གིས་གཞུང་གི་སྒྲིག་ཁྲིམས་འགལ་འཛོལ་བྱས་ནས་ཕྱི་རྒྱལ་གྱི་དྲ་ཚིགས་ཁག་ལ་འབྲེལ་མཐུད་བྱེད་ཚེ། རྒྱ་ནག་གི་དྲ་རྒྱའི་སྒྲིག་ཁྲིམས་ལ་འགལ་འཛོལ་བྱུང་བའི་ལས་ཁུངས་ཁག་ལ་མི་དམངས་ཤོག་སྒོར་ཁྲི་ཚོ་གསུམ་རེ་ཆད་པ་གཅོད་རྒྱུ་དང་། དྲ་རྒྱའི་ལས་ཁུངས་དེ་ཚོས་གཞུང་གི་སྒྲིག་ཁྲིམས་ལ་འགལ་འཛོལ་བྱུང་བའི་ནག་ཉེས་རྣམས་རྒྱལ་ཡོངས་ལ་ཁྱབ་བསྒྲགས་བྱ་རྒྱུ་ཡིན་ཞེས་འཁོད་ཡོད་པ་རེད།།
གཟའ་པ་སངས། ༢༠༢༤/༠༩/༢༠
