སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་གིས་བོད་པའི་ན་གཞོན་སློབ་ཕྲུག་ཚོར་བཀའ་སློབ་གནང་སྟེ། དུས་རབས་༢༡་པ་འདིར་མིས་བཟོས་པའི་དཀའ་ངལ་རྣམས་མིས་སེལ་བྱ་ཐབས་དང་། རང་བྱུང་ཁོར་ཡུག་ལ་གཅེས་སྤྲས་དགོས་པ། བོད་ཕྲུག་ན་གཞོན་ཚོས་བདེ་སྐྱིད་ལྡན་པའི་སྤྱི་ཚོགས་ཤིག་བསྐྲུན་རྒྱུར་ཤུགས་སྣོན་རྒྱག་རྒྱུ་གལ་འགངས་ཆེན་པོ་ཡིན་མ་ཟད། བོད་པའི་ན་གཞོན་སློབ་ཕྲུག་ཚོས་རང་གི་མི་རིགས་ཙམ་མ་ཡིན་པར་འཛམ་གླིང་སྤྱི་ཡོངས་ལའང་ཞབས་འདེགས་སྒྲུབ་ཐུབ་པ་ཞིག་བྱ་དགོས་ཞེས་གསུངས་འདུག