ཕྱི་ཟླ་༡༡་ཚེས་༧་ཉིན་རྒྱ་ནག་གི་སྲིད་འཛིན་ཞིས་ཅིན་ཕིན་དང་ཐེ་ཝན་གྱི་སྲིད་འཛིན་མ་དབྱིན་ཇུག་གཉིས་སིང་ག་པུར་དུ་ཐུག་འཕྲད་བྱ་འཆར་ཡོད་ཀྱང་། ཁོ་ཚོས་གྲོས་མཐུན་འཇོག་པ་དང་ཐུན་མོང་གི་སྤྱི་བསྒྲགས་སོགས་གང་ཡང་སྤེལ་འཆར་མེད་ཅིང་། ཉམས་ཞིབ་པ་ཚོས་མཚོ་འགག་ཕྱོགས་གཉིས་ཀྱི་སྲིད་འཛིན་རྣམ་པའི་ཐུག་འཕྲད་དེ་མཚོན་དོན་ཙམ་ཡིན་པ་དང་། གཟའ་སྤེན་པའི་ཐུག་འཕྲད་སྐབས་སུ་ཆབ་སྲིད་གྲོས་མོལ་དང་རྒྱ་ནག་དང་ཐེ་ཝན་གཉིས་གཅིག་གྱུར་བྱ་རྒྱུ་ཡིན་མིན་སོགས་ལ་གྲོས་བསྡུར་གང་ཡང་བྱ་མི་ཐུབ་པའི་ཚོད་དཔག་བྱེད་