ཡི་ཤུའི་བླ་ཆེན་སྤོབ་ཕྷི་རིན་སིས་དང་ཨ་རིའི་སྲིད་འཛིན་བྷ་རག་ ཨོ་བྷ་མ་རྣམ་གཉིས་ཕོ་བྲང་དཀར་པོའི་ནང་མཇལ་འཕྲད་གནང་བ་དང་། མཇལ་འཕྲད་མ་གནང་གོང་དེར་ཕོ་བྲང་དཀར་པོའི་ལྷོ་ཕྱོགས་ཐང་ཆེན་དུ་ཕེབས་བསུའི་མཛད་སྒོ་ཞིག་གནང་བ་དེར་ཆེད་དུ་གདན་ཞུ་མགྲོན་འབོད་བྱས་པའི་མི་སྣ་ཉིས་སྟོང་ཙམ་འཛོམས་ཡོད་པ་རེད། བླ་ཆེན་སྤོབ་ཕོ་བྲང་དཀར་པོར་ཕེབས་འབྱོར་གནང་བ་དང་སྲིད་འཛིན་ཨོ་བྷ་མ་གཏན་ཞལ་གཉིས་ཀྱིས་གུས་བསུ་ཞུས་གནང་བའི་རྗེས་ཨ་རི་བའི་སྔར་སྲོལ་དམག་མིའི་རོལ་དབྱངས་དང་བཅས་ཕེབས་བསུ་ཞུས།