མ་ཡི་ནུ་འོ་ནི་བྱིས་པའི་འཕྲོད་བསྟེན་ལ་ངེས་པར་དུ་དགོས་པ་ཞིག་ཡིན་པ་རྒྱལ་ཚོགས་ཀྱིས་གསལ་བཤད་བྱས་པ།

བདུན་ཕྲག་འདི་ནི་འཛམ་གླིང་གི་བྱིས་པ་རྣམས་ལ་མ་ཡི་ནུ་མ་བསྣུན་དགོས་པར་སྐུལ་འདེད་གཏོང་བའི་བདུན་ཕྲག་ལ་ངོས་འཛིན་བྱེད་ཀྱི་ཡོད་པ་ལྟར། མཉམ་འབྲེལ་རྒྱལ་ཚོགས་ཀྱི་བྱིས་པའི་ཐེབས་བརྩ་ཁང་དང་འཛམ་གླིང་འཕྲོད་བསྟེན་ཚོགས་པ་གཉིས་ཀྱིས་རྒྱལ་ཁབ་ཁག་གིས་ལུང་པ་སོ་སོའི་ནང་བེུད་རྣམས་ཀྱིས་རང་གི་བྱིས་པ་ལ་ནུ་མ་བསྣུན་རྒྱུ་སྐུལ་སློང་དང་མཐུན་རྐྱེན་སྤྲོད་དགོས་པའི་སྐུལ་མ་བཏང་ཡོད་པ་རེད། ཐེངས་འདིའི་འཕྲོད་བསྟེན་གྱི་གོམས་གཤིས་དང་དོན་ལྡན་གྱི་མི་ཚེའི་ལེ་ཚན་ནང་། ལེ་ཚན་གཙོ་སྐྱོང་བ་ཡེ་ཤེས་རྡོ་རྗེ་ལགས་ཀྱིས་མ་ཡི་འོ་མ་དེ་བྱིས་པའི་འཕྲོད་བསྟེན་སྤྱི་དང་ཀླད་པ་ཡར་རྒྱས་ལ་མེད་དུ་མི་རུང་བ་ཞིག་ཡིན་པའི་སྐོར་ལ་ཕྱོགས་བསྒྲིགས་དང་སྙན་སྒྲོན་ཞུས་པ་ཞིག་གསན་གནང་གི་རེད།