རྒྱ་ནག་གིས་༧གོང་ས་མཆོག་གི་འཁྲུངས་སྐར་སྐབས་སུ་བོད་ནང་དམ་དྲག་ཤུགས་ཆེན་བྱས་པ་དང་བོད་མི་མང་པོ་འཛིན་བཟུང་བྱས་ཡོད་པའི་གྲས་ནས། ད་ལྟ་གསར་དུ་གནས་ཚུལ་ཐོན་པ་ལྟར་ན། གསེར་རྟ་རྫོང་དུ་བོད་ཀྱི་དགེ་འདུན་པ་ཞིག་འཛིན་བཟུང་བྱས་ཏེ་གར་སོང་མེད་པ་གྱུར་ཡོད་པ་མ་ཟད། ཁོང་གི་ནང་མི་ཡང་བདུན་ཕྲག་གཉིས་ལྷག་བཀག་ཉར་བྱས་པ་དང་ཉེས་རྡུང་བཏང་ཡོད་པ་རེད། དེའི་སྐོར་ལ་བཙན་བྱོལ་བོད་མིའི་གསར་འགྱུར་བརྒྱུད་ལམ་ཁག་ནང་ཐོན་པའི་གནས་ཚུལ་ཞིག་ཡེ་ཤེས་རྡོ་རྗེ་ལགས་ཀྱིས་ཕྱོགས་བསྒྲིགས་དང་སྙན་སྒྲོན་ཞུ་གནང་གི་རེད།
